दोन लाखा रुपयांची लाच स्विकारताना तहसीलदार हेमंत पाटील रंगेहात पकडले

शेत जमीन भोगवटदार वर्ग दोन मधून वर्ग एक मध्ये करण्यासाठी आणि विक्री करण्याची परवानगी देण्यासाठी शेतकऱ्याकडून दोन लाखाची लाच स्वीकारताना मोताळा तहसीलदार हेमंत पाटील यांना अकोला येथील लाच लुचपत विभागाच्या पथकाने रंगेहात पकडले आहेत

मोताळा तालुक्यातील ग्राम थड येथील शेतकऱ्याची जमीन भोगवटदार वर्ग दोन मधून वर्ग एक मध्ये करण्यासाठी आणि विक्री करण्याची परवानगी मिळण्यासाठी मोताळा तहसीलदार हेमंत पाटील यांनी प्रति एकर पन्नास हजार रुपये प्रमाणे दोन लाख रुपयाची लाच घेतल्याप्रकरणी अकोला लाचलुचपत प्रतिबंधक विभागाने तहसीलदार हेमंत पाटील यांच्या घरी प्रत्यक्ष रक्कम स्वीकारताना रंगेहात पकडले असून त्यांच्या विरोधात बुलढाणा शहर पोलीस स्टेशनमध्ये लाचलुचपत प्रतिबंधक विभागाच्या विविध कलमा अंतर्गत गुन्हा दाखल करण्यात आला असून हेमंत पाटील यांना अटक करण्यात आली आहे