शेगाव येथे होणाऱ्या राष्ट्रीय महाआरोग्य मेळाव्याचे महामहीम राष्ट्रपती श्रीमती द्रौपदी मूर्मु यांना केंद्रीयमंत्री प्रतापराव जाधव यांनी दिले सस्नेह निमंत्रण .

बुलढाणा (प्रतिनिधी)
संतनगरी शेगाव येथे होऊ घातलेल्या राष्ट्रीय आरोग्य महामेळाव्याच्या उद्घाटन कार्यक्रमाला उपस्थित राहण्यासंदर्भातील निमंत्रण भारताच्या महामहीम राष्ट्रपती श्रीमती द्रौपदी मूर्मु याना केंद्रीय आयुष (स्वतंत्र प्रभार) आरोग्य व कुटुंब कल्याण राज्यमंत्री प्रतापराव जाधव यांनी आज स्नेहपूर्वक भेट घेऊन दिले आहे

बुलढाणा जिल्ह्यातील शेगाव येथे नोव्हेबर 2025 मध्ये राष्ट्रीय महाआरोग्य मेळावा आयोजित करण्यात येणार आहे. या राष्ट्रीय महाआरोग्य मेळाव्याचे उद्घाटन महामहीम राष्ट्रपती महोदयांच्या हस्ते व्हावे, अशी विनंती आज 11 सप्टेंबर रोजी केंद्रीय मंत्री प्रतापराव जाधव यांनी राष्ट्रपती भवन येथे जाऊन केली महामहीम राष्ट्रपती श्रीमती द्रौपदी मूर्मु यांची
केंद्रीय आयुष राज्यमंत्री (स्वतंत्र प्रभार) तसेच आरोग्य व कुटुंब कल्याण राज्यमंत्री प्रतापराव जाधव यांनी स्नेहपूर्वक भेट घेतली महामहीम
राष्ट्रपती श्रीमती द्रौपदी मूर्मु यांच्यासोबत आयुर्वेद आणि आरोग्य या विषयावर चर्चाही केली व संतनगरी शेगाव येथे होणाऱ्या राष्ट्रीय महाआरोग्य मेळाव्याचं निमंत्रणही दिले
आयुष मंत्रालयातर्फे आयोजित या राष्ट्रीय पातळीवरील या महा आरोग्य मेळाव्याचे प्रमुख उद्दिष्ट म्हणजे आयुर्वेद, योग व निसर्गोपचार, युनानी, सिद्ध, सोवा-रिग्पा आणि होमिओपॅथी या भारतीय पारंपरिक पद्धतींची समृद्ध परंपरा, वैज्ञानिक भक्कम पाया आणि जनकल्याणकारी स्वरूप जनतेसमोर सादर करणे होय.

*राष्ट्रीय महाआरोग्य मेळावा 2025 ची ठळक वैशिष्ट्ये:*

1.प्रतिबंधात्मक, प्रोत्साहक आणि उपचारात्मक आरोग्यातील आयुष प्रणालींचे प्रदर्शन

2.सार्वजनिक आरोग्य जागरूकता आणि निरोगी जीवनशैलीचा प्रचार

3.संशोधन व ज्ञान विनिमय यासाठी विद्वान, संशोधक, विद्यार्थी आणि शेतकऱ्यांना व्यासपीठ

4.उद्योग व उद्योजकता संधी — औषधी वनस्पती उत्पादक,

5.MSMEs आणि स्टार्टअप्ससाठी प्रोत्साहन

6.विशेष चर्चासत्रे — राष्ट्रीय आरोग्य कार्यक्रमांत AYUSH समन्वय, फिट इंडिया मूव्हमेंट, पर्यावरणपूरक आरोग्यसेवा, पारंपरिक औषधज्ञान संवर्धन

बुलढाणा हा जिल्हा राष्ट्रमाता जिजाऊ यांची जन्मभूमी आणि संत गजानन महाराजांची यांची समाधीभूमी, तसेच जागतीक दर्जाचे लोणार सरोवरासारख्या अनोख्या नैसर्गिक वारशा असलेली भुमी आहे येथे ऐतीहासीक , अध्यात्म, परंपरा आणि विज्ञान यांचा संगम साधणारे हे ठिकाण या राष्ट्रीय महाआरोग्य सोहळ्यासाठी सर्वोत्तम स्थळ आहे.

माननीय राष्ट्रपतींच्या उपस्थितीने हा कार्यक्रम अधिक प्रेरणादायी ठरेल, असा विश्वास केंद्रीय आयुष (स्वतंत्र प्रभार ) आरोग्य व कुटुंब कल्याण राज्यमंत्री प्रतापराव जाधव यांनी व्यक्त केला.